السلام عليكم
هذه بعض من قصائد الشاعر الكبير : سالم محمد الجمري العميمي ( رحمه الله )
::: سعد الليالي :::
سعد الليالي صارت أتراح
واتبدلت عقب الطرب نوح
من عقب مانا صرت مرتاح
بالي، وباب الوصل مفتوح
كن البخت يذابي وطاح
وآزمت عقب القرب منزوح
ياما سقاني خلي وطاح
كاس اليحاة وصرت ممنوح
من سلسبيل فيه منماح
شهد مذاقه ينعش الروح
واليوم عني عرض وشاح
شوح الذي صفق بالجنوح
وآعز تالي مالي ايواح
على اعثرات الحب والشوح
لااهيع ولااتلذذ ولا ارتاح
كني لديغ بسم يفرح
فقدي على راعي التمزاح
بومنحر ياي ومسطوح
سحت بغرامه مثل ما ساح
في حب مي وسامر النوح
إن عشت لي سطر في الألواح
وإن مت قولوا ذاك مسموح
:::قصيده وطنية للجمري :::
خذت الخبر من عند صوت الساحل
والحمدلله اتدت الشيخان
والشعب راضي بالتوافق واحد
وطاب الفرح في قلب كل إنسان
واخبارنا راحت بعيد وداني
وشعوبنا حامين برعمان
من ساحل الدوحة إلى لفجيرة
كلنا اسلام وعصبة واخوان
والباطنة والبادية باكملها
حتى ظفار وديرة السلطان
كلنا على سنة نبي واحد
وبعزة الله نبعد العدوان
جمالنا في مقدمات الماضي
دور يمثل في عصر الأزمان
واللي علينا رادته يتعدى
مانال غير الذل والخذلان
حكامنا من غافري وهناوي
يردون حوض الموت في الميدان
ولهم عوايد في مراقاة العلا
عصبة (( بني ياس)) وهل (( نهيان))
ظفري بهم يوم المعارك واللقا
أحرار قوم كنهم عقبان
الشيخ زايد للمعالي يسعى
بالخير والمعروف والإحسان
ساد العشاير والقبايل كلهم
لكبار لبت له مع الطفلان
الله يعز شيوخنا ووجودهم
وشعوبنا تهدي إلى الإيمان
لي مايدافع نايبات شروره
ماكن له في المجد عز وشان
والمرجلة فيها أمور صعيبة
ماتنرقي بالذل والعصيان
إلاعلى طرق الهدى والطاعة
والحر مايصعد بلا جنحان
لي ما معه جند وجيش باسل
يحمي حماه ومرضي الشبان
مانال عزه ومطلبه ومراده
لو هو على ماقيل ، واسمه فلان
والخنم صلى الله على سيدنا
الهاشمي اللي من نسل عدنان
::: جفن جفا حارب النوم :::
يالله من جفن جفا وحارب النوم
بايت سهير والخلايق نياماً
لي من غضت عيني ترواي لي حلوم
من جور دهري عقب سبعين عاما
أتذكر أيامي وأنا كنت شغموم
عصر الصبا ومسامرات النشامي
إمسج في غي الهوى والطرب دوم
مع سيدات الفن ياما وياما
شلت الهوى يوم الهوى عدل بعزوم
والمصعبات اللي إتن في الولاما
كم ليلة سامرت زينات لوشوم
وكم انظرت عيني حبايب نداما
وكم ليلة جاوزتها بين لقروم
في ظهور هجن في دجايا الظاما
لي من بدا لازم علينا بملزوم
ندي حقوقه الوافية بالتزاما
وكم غصت بحر لجته ديه انجوم
اجني من اللولو رفيع المساما
ولاهمني بحر وبرد ولاغيوم
لو كان غمق مثل غبة سلاما
واليوم غالتني الحوادث ولاروم
انهض يلي مني بغيت القياما
الراس شاب ومني العضد محطوم
طايح على وسادي وعظامي حطاما
والعين ماتنظر اطلال ولاحزوم
من زود ماتذرف عيوني تعامى
وتبدلو ناس معي كلهم قوم
صبح وعصر وليل عندي دواما
وآخر يلي مروا بعيد لهم شوم
أبداً ولايلفون لي بالسلاما
مالي بهم حاجة ولاعازة السوم
والقلب مايعتب عليهم حشاما
لكن عتبي فل تفريج لهموم
والأفهم عندي عزاز كراما
وش حيلة أبنيدوم لي عاد مهموم ؟
والعرق ينظح من صليل البهاما
[size="5"][color="DarkOrchid"]::: اخر الدرب :::
على بخت من بيعود به بعض ما راحي
ليل تقضت بالزخرف والأفراحي
أيام سعد لمها الأنس والهنا
على عشرة وناس، ومع كل مزاحي
وعشنا بها في غاية الأنس والطرب
ثلاثين حجة في مناعير وسلاحي
ربينا على عشرة أكرام نعهدهم
ضراغيم قوم شانهم ماله كفاحي
هذا أخو هذا وهذاك شفنا
وهذا بني عمنا ورفيق ونصاحي
أحرار ربوا في ذروة المج والعلا
ربوا في ظهور الخيل صبح ومرواحي
وهجن جنوهن لابتي للوازم
حموا حيهم عن كلمة اللوم والآحي
مجالس للضيف عادات مجدنا
بنوهن أكرام ما بغن فك مفتاحي
يشرغ بهن ((جا)) من البعد جايع
ويمسي عقب صوعه أمين ومرتاحي
ونصبح نساير مع أشراف حينا
ونمسي نغني مع خوندات الأملاحي
ولا فكرنا أن الليالي تضدنا
ولاظننا أن الرسم ذاك ينماحي
وآخر تبدل عصرنا ضد مجدنا
وجتنا ليال كدرت ذيك الأفراحي
::: حمام يغني :::
حمامٍ يغنّي
على راس فنّيشجاني وحنِ
وأنا بي حسوفهوهيّض غرامي
صياح الحماميجروحي جدام
في لفواد عوفهوعيني هميله
شرات المخيلهجرى الدمع من
ها سريعٍ هتوفهمن فراق خلّي
أنا مستعلّيوشوفه يسلّي
وصدّه كلوفهسباني وداده
ولفواد زادهوقلبي مراده
يبا بايشوفهحسين الدلال
ولاله مثاليفريد الجمال
جليله وصوفهجديله مثنّى
وحجله يرنّيونقش المحنّي زهت
به كفوفهوعينه ثليله
وخشمه سليلهوخدّه شعيله
بروقٍ تشوفهوريجه مدام
وينعش عظاميشفا كل ظامي
رحيقٍ يدوفهوكشحٍ سليبي
نعيمٍ لبيبيوخصره جبيبي
تعلّت ردوفهوعوده لياني
شرى الخيزرانيحسين المعاني
مليّه طروفهولا ينصخى به
لطيفٍ جنابهوانا في طلابه
أحيد معروفهأراعي عهوده
ولا احمل صدودهعسى الله يعوده
عليّه اشوفهولو صد عنّي
أنا احسنت ظنّيعسنّه يثنّي
وياخذ بروفهويرحم متيّم به
الحب خيّموكنّه يتيّم ومت
به ظروفهرماني زماني
بحب الغوانيوهو ما رحمني
ولا فيه خوفهيواعد و يخلف
ولا عاد ينصفوانا يوم يحلف
جبلت محلوفهأصدّق مقاله
واريض بخيالهولا ابغي بداله
بعد قط كوفه
يتبع في الجزء الثاني
اتمنى ان تنال اعجابكم
أختكم بنت ..العرب ..
الخميس أبريل 10, 2008 12:41 pm
