توني قريت هالابيات ،، و تاثرت بالكلمات ،، حبيت انقلها لكم..
الله يرحمك يا بونا و يغمد روحك الجنه...
أعظم الحزن حزن ٍ ما تعـرف إنّـه
حزْن / لكن يجي دايم على بالـك !
وأعظـم الدمـع دمـع ٍ مستهيننّـه
إن هملته أو إن همّلت بـه : هالـك
وأعظم الفقـد فقـد ٍ نقـدر نكنّـه
ليـن ياكـل حنايانـا ونتهالـك ..
وأعظم الموت موت ٍ ينسمـع عنّـه
يرتدي الكون لجلـه ثوبـه الحالـك
وإنت يا موت شعْب وْسارية " بِنّه "
كلّمـا رفّـت اللوعـه دعينـا لـك
في غيابك .. نفوس الناس مطمنّه !!
ماحد ٍ صـدّق إن المـوت يغتالـك
كل من طوّح العلـم و رمـى ظنّـه
"لقّّـم الاوّل الثانـي " يْتهيّـا لـك "
في غيابك كـأن النـاس منجنّـه !!
ينشدون " الثلاثاء "عن حالـك .. !
في غيابك غيـاب شْعـوب ممتنّـه
بالمـودّه ملَتْهـا طيبـة أفعـالـك .
في غيابك ثرى الدار لـه حَنّـه !!
كـنّ يعكـس ثراهـا حنّـة عْيالـك
وحّد العالم الموت وحـزَن سِنّـه !!
وحّد العالم الموت ْوتباكى لـك .. !
هَلّ دمْـع الفجيـره غربـي الظنّـه
وانبرت سيرة الدمـع تبـرى لـك
شعب ٍ يْحب طيب وطيبته فنّـه ...
كيف ما يشعل عْيونه لترحالـك ..؟
إن سمِع " دار زايـد كنّهـا جنّـه "
طاح لاقصى حدود اللوعه وْ "شالك "
شال في قلب واحـد عبرتـه دَنّـه
شعب في صوت واحد فَـلّ موّالـك
يـا أبونـا وهـذا العيـد مـا كنّـه
: عيد / عند الحزين المثقل الهالـك
عيدنـا عيـد لا عنّـه ولا منّـه ..
نبلع الضيق فـي صبحـه ونتمالـك
كل منّا يعايـد : عيـدك /الونّـه ..
بالأسـى والتعـازي هَـلّ شوّالـك
موت : هذي شعوب الأرض يبكنّـه
موت : ودّه بهـالدنيا نهَر سالك ..
مـوت : لمّـا عيونـي يستعدينّـه
موت : وآصيح عمري فدوة عْقالـك
مـوت : لمّـا عيونـي يستخيلنّـه
موت : يهمي ضياه وْ طيّب ٍ فالك ..
موت : لمّا أشـوف القبـر طاونّـه
آآآه يا موت ويش آشّد من ذلـك !
ربي يرحمك
السبت مارس 29, 2008 7:56 am
